Soo mis Hüü het letscht Wuche ä nöie Haarschnitt bercho, düene aber morn no usbessere (pssst aber s gseht us wines grupfts Huehn). När gits de wieder mau äs paar nöii Föteli. (30.01.2009)

Hüt bini mit de Bettina und äm Windy ufem Rundgalopp chlei ga schaffe. S isch im Momänt ja öppe der einzig Wäg wome no "richtig" druffe cha ritte. S isch sooo luschtig gsi u s het ou henne guet ta, de Indio isch superschön am Zügu gloffe u das sogar ou im Galopp (was im Momänt no üsi gröschti Schwachsteu isch!). (11.01.2009)

Soo mini Winterferie si verbii u scho nachem erschte Tag isch de Autagstrott wieder ikehrt, d.h. bises am Abe wieder heu isch - im dunkle ga usritte...  Di letschte Täg heimer no mau i voue Züg gnosse mit länge Usritte, viu Schneegalopp und amene Usritt ohni Sattu, wo richtig luschtig isch worde...  (05.01.2009)

Wieder einisch meh ä iiiisig-chaute aber schöne Tag gsi. Mir hei zum Glück ä Föteler ufe Usritt mitgno u churzerhand äs chlises Fotoshooting gmacht. (s. Fotoalbum). U wimes gseht, äs hetsech glohnt! (28.12.2008) 

Huuui hüt isch ä luschtige Tag gsi...  Nachdäm mi Bueb geschter ä freie Tag gha het, bini hüt ällei mitim ga Usritte. Är hetsech auso benoh wine Wiudsou...! Speter woner uf de Weid isch gsi, hani no äs paar Föteli gmacht... (s. unten und Fotoalbum) S isch schön, aber iiiisig chaut gsi! (26.12.2008)

   

Im Momänt isch ds Usritte grad nid soo toll... Dert wos kei Schnee meh het ufem Wäg isch eifach nur no Matsch u weme zrüggchunnt gsehtme us aus hättme ä Schlammschlacht hindersech. Aber mir hei trotzdäm immer ä mega Gaudi wemer underwägs si u zum Ufwärme heits hüt grad äs Wiehnachtsapéro gä im Rittstübli...  Danke Froue isch luschtig gsi!!! (24.12.2008) 

Ooooh dä Schnee isch eifach de Hammer!!! Bi ersch grad churz zrügg vom ritte, heis wäuz gnosse. Für die wod Gägend kenne, bi mit de Sandy/Lucky und Bettina/Windy ga de Laupen-Neuenegg mache u mi cha meh oder weniger aus galoppiere... *tröim* (17.12.2008)

Im November war ich für ein Wochenende Philomena besuchen. Seit Juli/August steht sie bei Otto Becker im Training. Es war richtig toll und ich genoss die kurze Zeit mit ihr sehr. Die ganze Anlage dort ist traumhaft, auch die Pferde - wunderschön!

    

... hier werdet ihr schon bald neues über Indio und mich erfahren ...